gipuzkoakultura - ondarea

Untzi Museoak 2010eko Ekimen Ozeanikoetan parte hartuko du

Thu, 18 Mar 2010 13:26:28 +0100

Surfrider Foundation Europe erakundeak Donostia izendatu du 2010eko Ekimen Ozeanikoen Europako hiriburu. Herritarren mobilizazioaren arloko ekitaldi handi horri esker, hainbat ekintza garatuko dituzte mugaren bi aldeetan eta ozeanoen iraunkortasunarekin lotutako mezuak helaraziko dituzte. Untzi Museoak bi proiekturekin hartuko du parte ekimenean.

Aldaketak Untzi Museoko Euskaldunak eta Pazifikoa. Andres Urdanetaren omenez erakusketan

Wed, 17 Mar 2010 15:51:11 +0100

Untzi Museoak zenbait aldaketa egin ditu Euskaldunak eta Pazifikoa. Andres Urdanetaren omenez erakusketan. Simon Anda Filipinar uharteen defentsan artelana, XVIII. mendeko olio-pintura anonimoa, Arabako Arte Ederren Museora bueltatu da adostutako mailegu baldintzak direla eta.

Zumalakarregi eta Igartubeiti museoak, Expodidàctican

Tue, 16 Mar 2010 11:44:09 +0100

Igartubeiti Baserri Museoa eta Zumalakarregi Museoa Bartzelonako Expodidàctica Hezkuntzarako Baliabideen Erakustokian izango dira martxoaren 18tik 20ra.

Giro bikaina Martxoan Bertsoko kanporaketa eta barrikotean

Tue, 09 Mar 2010 11:32:24 +0100

Jende asko hurbildu zen larunbatean, hilak 6, Igartubeiti Baserri Museoan antolatutako barrikote eta Martxoan Bertsoko kanporaketara.

Martxoan ere, familientzako doako jarduerak Zumalakarregi eta Igartubeiti museoetan

Thu, 04 Mar 2010 16:05:06 +0100

Martxoan sartu berri gara eta Igartubeiti Baserri Museoak eta Zumalakarregi Museoak hilabete honetarako jarduera programa aurkeztu dute. Bietan familientzako doako tailerrak eta bisita gidatuak egongo dira eta Igartubeitin, gainera, Jose Iza arotzaren bilduma jarriko dute ikusgai.

Altxerriren hiru dimentsiotako modelo birtuala sortzeko lehen urratsak

Wed, 03 Mar 2010 17:49:53 +0100

Altxerri haitzuloaren hiru dimentsiotako modelo birtuala sortzeko lehen pausoak eman ditugu. 2009ko abenduan, laser eskaner baten bitartez, Altxerri eta bere inguruaren 3D topografia egiteko beharrezkoak diren datuak jaso zituen CRN enpresak.

Ordutegi berria Zumalakarregi eta Igartubeiti museoetan

Tue, 02 Mar 2010 15:59:36 +0100

Martxoan sartu berri gara eta Zumalakarregi eta Igartubeiti museoek ordutegia berria jarri dute martxan. Martxoaren 1etik urriaren 31ra, bi museoak goiz zein arratsaldez bisitatzeko aukera izango duzue asteazkenetik igandera.

Bertsoak, sagardoa eta trikitixa Igartubeitin

Fri, 26 Feb 2010 08:20:30 +0100

Martxoaren 6an, larunbata, sagardoaren eta bertsoen eguna izango da Igartubeiti Baserri Museoan. Yartu elkartea eta Urretxu-Zumarragako bertso-eskolarekin elkarlanean, Igartubeitik barrikotea eta Martxoan bertsoko kanporaketa antolatu ditu.

Ondartxo, Gipuzkoako Foru Aldundiaren Ontzigune

Tue, 23 Feb 2010 12:49:54 +0100

Gipuzkoako Foru Aldundiaren ontzi bildumak egoitza berria du: Ontzigunea, berriki eraberritutako Pasaiako Ondartxo ontziolan. Ondartxok Foru Aldundiaren 30 ontzi inguru gordetzen ditu eta, Aste Santutik aurrera, publikoari erakutsiko dizkio bisita gidatuen bidez.

San Telmo Museoaren Lagunek Untzi Museoa bisitatu dute

Mon, 22 Feb 2010 12:21:53 +0100

Otsailaren 13an, larunbata, San Telmo Museoaren Lagunen Elkartekoek Untzi Museoko Euskaldunak eta Pazifikoa. Andres Urdanetaren omenez erakusketa bisitatu zuten.

Gipuzkoako lurralde historikoko museoak antolatzeko plana

Thu, 18 Feb 2010 16:54:53 +0100

Gipuzkoako museoen zerbitzuaren eta kudeaketaren kalitatea hobetzeko asmoz, Gipuzkoako Foru Aldundiko Kultura eta Euskara Departamentuak Gipuzkoako lurralde historikoko museoak antolatzeko plana aurkeztu du. Horren arabera, Gipuzkoako museoak sare tematikoetan multzokatuko dira ondare osoa koordinatzeko.

Jaizkibel draga-ontzia eraberrituko dute

Thu, 18 Feb 2010 13:05:57 +0100

Pasaiako Portu Agintaritzaren, Gipuzkoako Foru Aldundiaren eta Eusko Jaurlaritzaren artean lorturiko akordioari esker, Jaizkibel draga-ontzia eraberritu egingo dute aurten. Horretarako, 440.000 euro jarriko dituzte hiruen artean.

XIX. mendeko erromeria eta gurasoen antzerkia Zumalakarregin

Mon, 15 Feb 2010 13:06:51 +0100

Zumalakarregi Museoak ia urte erdia darama familientzako tailerrak antolatzen larunbatetan, eta oso martxa onean gainera. Jarraian dituzue datozen otsaileko larunbatetarako (17:30etik 19:00etara) prestatutako ekintzak.

Otsaileko jarduerak Igartubeitin

Thu, 04 Feb 2010 12:56:34 +0100

Hilero bezala, Igartubeiti Baserri Museoak hainbat jarduera eskaintzen dizkigu otsaileko arratsaldeak familiartean ondo pasatzeko: jolasak, tailerrak... eta ohiko bisita gidatuak.

Bisita berezia Igartubeitin

Mon, 01 Feb 2010 17:44:49 +0100

Centre de Promoció de la Cultura Popular i Tradicional Catalanako kideak -kultur arloko politikariak eta museoetako ordezkariak- Igartubeiti Baserri Museoan izan ziren bisitan urtarrilaren 28an goizean.