Otsailaren 13an, larunbata, San Telmo Museoaren Lagunen Elkartekoek Untzi Museoko Euskaldunak eta Pazifikoa. Andres Urdanetaren omenez erakusketa bisitatu zuten.

Erakusketak euskaldunek historian zehar Ozeano Barean izandako presentziaren historiaren ikuspegi panoramikoa ematen du, Filipinei arreta berezia eskainiz. Erakusketak Juan Sebastian Elkano, Andres de Urdaneta eta Miguel Lopez de Legazpik Ozeano Barean zehar eginiko espedizioak zabal biltzeaz gain, ezezagunagoak zaizkigun eta garrantzia historikoa izan duten beste zenbati arlori ere egiten die tartea.

Erakusketa igandera arte, hilak 28, egongo da ikusgai.

Ordutegia:

• Asteartetik larunbatera: 10:00etatik 13:30etara eta 16:00etatik 19:30etara
• Igande eta jaiegunetan: 11:00etatik 14:00etara
• Astelehenetan: itxita