Donostiako Museoen Sareak eta Plus 55 programak lankidetzan, 7 egun, 7 museo programa prestatu dute. Eskaintza 6 eta 11 urte bitarteko bilobak zaintzen dituzten 55 urtetik gorako pertsonentzat dago zuzenduta bereziki, gabonetako oporraldian bilobekin Donostiako museoetara joan daitezen; Untzi Museora, besteak beste.

Programako parte hartzaileek Museoen Sarea osatzen duten zazpi museoak bisitatzeko aukera izango dute zazpi egunetan eta museo bakoitzean gidatutako ekintza berezia izango dute.

Gaur egun, hainbat arrazoi direla eta, aitona-amonek hartu ohi dute etxeko txikien ardura. Museoetako hezitzaileak horretaz jabetu dira; hori dela eta, aurtengo oporraldirako programazio berezia eskaini nahi izan dute aisialdirako alternatiba gisa. Izan ere, haurrek aitona-amonekin museoan ondo pasatzen dutela ohartu dira.

Programa:

• Abenduak 22, asteartea: Elizbarrutiko Museoa.
  Bisita gidatua museoan eta Kontaidazu tailerra.
• Abenduak 23, asteazkena: Museum Cemento Rezola.
  Bisita gidatua museoan eta Industria memoria belaunaldi arteko tailerra.
• Abenduak 28, astelehena: Aquariuma.
  Bisita gidatua eta pintxo tailerra.
• Abenduak 29, asteartea: Untzi Museoa.
  Bisita gidatua Euskalduna eta Pazifikoa. Andres Urdanetaren omenez erakusketara eta Manilako Galeoia tailerra.
• Abenduak 30, asteazkena: San Telmo Museoa.
  Kalejira Donostiatik gure kamarekin.
• Urtarrilak 4, astelehena: Chillida-Leku Museoa.
  Ni ere eskultura naiz tailerra, Eduardo Chillidaren eskulturak gorputz osoarekin begiratzen ikasteko. Arropa erosoa eramatea gomendatzen da.
• Urtarrilak 5, asteartea: Zientziaren KutxaGunea.
  Ingurumena erakusketara bisitaldia eta Kartoizko suziriaren sekretua bidaia Planetarioan.

Ekintza guztiak 10:30ean hasiko dira eta ordu eta erdi eta bi ordu inguru iraungo dute.

Izena ematea: abenduaren 9, 10, 15, 16 eta 17a.

Informazio gehiago:

• Plus 55: 943 213 863 (asteartetik ostegunera 10:00etatik 14:00etara).
• Untzi Museoaren webgunean eta 943 430 051 telefonoan (asteartetik ostiralera 10:00etatik 13:30era).

Diptikoa (PDF, 98 KB)

Dossierra (PDF, 173 KB)