Gipuzkoako Foru Aldundiko Kultura Ondarearen Zuzendaritza Nagusiak, lehiaketa publikoaren bidez, Lasarteko Olabe Ontziola esleitu zuen Untzi Museoak errekuperatu dituen itsasontzietako lau berriztatzeko.

Olabe Ontziolako teknikariek Germancho kostaldeko arrantzaontziaren berriztapena bukatu dute.J. Garinek eraiki zuen 1950. urtean eta museoak 1996an errekuperatu zuen. Halaber, Urumea ibaian ibilitako ala baten berriztatze lana amaitu da. Azken hau 1940. urtekoa daeta Martutenen dagoen Goikoene Baserriko Bernardo Echarri hondarzalearena izan zen 1989. urtean museoak errekuperatu zuen arte.

Bigarren fasean, Juan María legatzontzia (Hondarribian 1965. urtean eraikia eta 1994an errekuperatua) eta Bidasoako gabarra errekuperatuko dituzte. Gabarra, 1900. urtean eraiki zen eta Hondarribiako Jose Aguirrerena izan zen museoak 1993an errekuperatu zuen arte.

Sortu zenetik, euskal kostaldeko itsasontzi-ondarearen berreskurapena eta kontserbazioaren alde lan egiten ari da Untzi Museoa. Gaur egun, 35 itsasontzi ditu, gehienak txikiak eta ertainak. Gehienak arrantzarekin zerikusia duten ontziak dira nahiz eta portuko eta aisialdiko ontziak ere badauden tartean.

Gehiago jakiteko:

• El Untzi Museoa-Museo Naval y la protección del patrimonio flotante (PDF, 227 KB)
• Las embarcaciones del Untzi Museoa-Museo Naval: estudio del patrimonio flotante recuperado (PDF, 1,67 MB)