Ekainaren 10 eta 11an Itsas Kultur Ondarea lantzen duten Zentro eta Museoen bigarren Jardunaldiak ospatu ziren Cartagenako (Murtzia) ARQUA Urpeko Arkeologia Museo Nazionalean. Untzi Museoak euskal itsas ondarea eta historia aztertzen egiten duen lanaz hitz egin zuen.

Untzi Museoak Itsas Memoria aldizkari espezializatua publikatzen du 1996tik, euskal itsas historia eta kultura aztertzen dituen Euskal Herriko aldizkari espezializatu bakarra. Gainera, aldi baterako erakusketak dibulgazioa eta ikerketa lantzen dituen liburuekin osatzen ditu maiz museoak.

Jardunaldien amaieran Itsas Kultur Ondareko Zentro eta Museoen Elkartearen sorrera ekitaldia ospatu zen. Besteak beste, Catalunyako, Euskal Herriko, Galiziako, Andaluziako eta Kantabriako zentroak elkartu dira bertan.