Igartubeiti Baserri Museoa eta Sagardoetxea munduko kulturen Mundumira festan izango dira maiatzaren 22, 23 eta 24an, Eskoriatzan.

Euskal baserriaren eguneroko bizitza ezagutzeko guneak eta euskal sagardoaren museoak stand bat izango dute, sagardoaren kultura hedatzeko. Bertan bonu bateratu bat ere banatuko dute; bi museoetakoren batean bonu hau erakusten dutenek % 50eko beherapena izango dute sarreran.

Ekimen honen helburua bisitari guztiei sagardoaren kultura gerturatu eta gure kultur ondarea ezagutaraztea da.