Zumalakarregi Museoak bi grabatu sorta eskuratu ditu; guztira 86 grabatu.

Sorta hauetako batean Bigarren Gerrate Karlistari buruzko grabatuak dira nagusi eta azpimarratzekoak dira argitalpen frantses zein ingelesei dagozkienak.

Beste sortako grabatuen artean aipatzekoa da Ormaiztegiko trenzubiari buruzko irudi ezezaguna. Alexander Lavalley ingeniariak eraiki zuen bidezubi hau 1864ko abuztuaren 15en inauguratu zuten. Garaiko burdinezko eraikuntzarik ausartena izan zen eta, beste faktore batzuekin batera, mundu tradizonala desagertarazten lagundu zuen.