Duela egun batzuk aipatu genuen Untzi Museoko erakusketako olio-lan bat datozen egunotan itzuliko dugula. Hala ere, Donostia, Itsas hiria erakusketak lan horren erreplika bat jasoko du, jatorrizkoa ordezkatzeko; eta erakusketa hau maiatzera arte izango da ikusgai.

Gainera, erakusketa hobeto ulertzeko, gida batek lagunduta ikusi daiteke, euro baten truke. Bista gidatua ordu betekoa da eta aldez aurretik egin behar da erreserba. Umeentzako ere moldatzen da bisita, ipuin eta kondairak gehituz. Bisitaldiaren osagarri gisa, hirian zehar ibilaldi bat egin daiteke, historiaren eta literaturaren ikuspegitik ezagutzeko, Untzi Museoko hezkuntza arduradunak lagunduta. Ibilaldi honek ordu eta erdi irauten du eta euro bat balio du.

Informazio gehiago: www.um.gipuzkoakultura.net web gunean edo 943-430051 telefono zenbakian. Posta elektronikoa ere bidali dezakezu: untzimuseoa3@gipuzkoa.net