Uztailaren 12an hasi zenenetik, 3.000 bisitarik ikusi dute Cristina Enea Donostiako Ingurumen Baliabideen Etxean Zumalakarregi Museoak antolatutako XIX. mendeko Esploratzaileak. LE TOUR DU MONDE erakusketa.

Erakusketa honek munduko paisaia eta ohitura desberdinekiko europarren harridura azaltzen digu. Arrazakeria darie testu eta irudi hauetako askori, baina baita ausardia, abentura gosea eta egoerarik gorrienetan bizirik irauteko grina ere. Le Tour Du Monde-k , urruneko paisaia eta kultura arrotz haietara ez ezik duela mende eta erdiko europarren ikusmoldera ere hurbiltzen gaitu. Oraindik ikusi ez dutenek irailaren 30a arte dute aukera.

Euskal esploratzaileak. Le tour du monde
Ingurumen Baliabideen Etxea
Duque de Mandas kalea z/g
20012 Donostia-San Sebastián
Tel. 943 45 35 26
Ordutegia: astelehenetik larunbatera 9.30etatik 13.30etara eta 15.00etara 20.00etara.
Igande eta jaiegunak: 10.00etatik 13.30etara
Sarrera doan