Gipuzkoako Foru Aldundiko Kultura eta Euskara Departamentuak, 25 urte baino gehiago darama Gipuzkoako ondarea zaharberritzeko laguntzak ematen. Baserriak, elizak, dorreak, errotak, zubiak edo jauregiak, zaharberrituak izan diren elementuetako batzuk dira.

Zaharberritze lan honetan, jabeek hartu dute parte, eta ondasunaren balioaren eta erabilgarri zegoen diruaren arabera, Ondare Historiko-Artistikoaren Zerbitzuak zaharberritze lan horietan ekonomikoki lagundu du.

Webgune berri honetan, zaharberritutako eraikin guztiak ikus daitezke. Eraikin bakoitza deskribapen labur bat eta irudiekin osatuta dago. Aldi berean, Foru Aldundiak eskaintzen duen b5m plano zerbitzuari esker eraikina non dagoen aztertu daiteke.

Mendearen azken laurdenean zaharberritutako ondare gipuzkoarra ezagutzeko aukeraz, birtualki bada ere, gozatzeko bide berria.