Atzo esandakoari heldu nahi diot. Barojarekin jira eta bira eta, bapatean, Xabier Letek lehenengo urtean egindako opari batez oroitu nintzen:

"La leyenda de Jaun de Alzate. Pío Baroja. Xabier Letek euskeratua. Antzerti eskolak makinaz idatzita erabiltzen zuena. Azken hilabete hauetan eskuz orraztatua"

izeneko karpetaz, hain zuzen ere. Estimatzeko modukoa da gure memoriatxoaren izpiak gorde nahi baditugu.

Ikus dezakezuenez, testuaren aurrean 1973. urtean Zensuratik jasotako debekuaren erantzuna agertzen da. Ahazturiko zenbat bitxikeria izango ote da elkarte eta etxeetan? Salamancan dituzten paperak gureganatzeko aldarrikapena ona bada ere, gure sukalde miatzea ez litzateke txarra izango.