2009ko abenduaren 30ean, Iván Zulueta (1943-2009) diseinatzaile eta zinemagile donostiarra hil zen. Bere filmak KOLDO MITXELENA Kulturuneko Fonotekan ikus ditzakezue (ezin dira maileguan hartu). Zuluetaren zenbait kartel ere aurki ditzakezue.

Batik bat Arrebato (1979) filmagatik da ezaguna -non zuzendaritza eta gidoigintza lanak egin zituen-, baita Pedro Almodóvar zinemagilearen lehen filmen kartelak egiteagatik.

Zulueta artista heterodoxoa zen eta hainbat arlo landu zituen: dekorazioa, margoa, zinemagintza, diseinua, musika... Bi film luze (Un, dos, tres, al escondite inglés 1969an eta Arrebato 1979an) eta hainbat film labur egin zituen. Horrez gainera, hainbat kartel diseinatu zituen.