KOLDO MITXELENA Kulturuneko Liburutegiaren webgune berrian 4.000 dokumentu digital inguru daude erabiltzaileen eskura (digitalizatutako milioi bat orri inguru): kartelak, prentsa historikoa, Julio Urquijo eta Aizkibel funtsetako liburuak eta hainbat eskuizkribu.

Bi eratan bilatu ditzakezue:

Liburutegiaren webguneko hasiera orritik, Liburutegi Digitala edo Hemeroteka Digitala sakatuta:

-Liburutegi Digitala atalean sartuz gero, Digitalizatutako dokumentuak lotura sakatu behar duzue. Hurrengo orrian, nahi dituzuen hitzak bilatu edo izenburu eta egile zerrenda alfabetikoki arakatzeko aukera izango duzue.

-Hemeroteka Digitalean prentsa historikoa aurkituko duzue. 48 kazeta daude; besteak beste, ondokoak: Agere, Bertsolariya, El Cántabro, Euskal Esnalea, Euskalerriaren Alde...

Liburutegiko katalogotik sartzeko ondoko urratsak jarraitu behar dituzue:

-Nahi dituzuen hitzak bilatu.

-Eskuineko zutabean Liburutegi digitala>Agiri digitalizatuak sakatu.

-Fitxa bibliografikoaren eskuineko edo azpiko aldean azalduko den ikonoan klik egin.

Era batera eta bestera, dokumentuaren irudiak ikusiko dituzue, orriz-orri edo miniaturetan, eta aukeratutako irudiak inprimatzeko aukera izango duzue. Aurrerago, orriak aukeratu eta gordetzeko aukera ere jarriko dugu martxan.