Aurten bigarren aldiz, KOLDO MITXELENA Kulturuneko Liburutegiaren Zerbitzuen kartan hartutako konpromisoari erantzunez, eskuratu ditugun ondare fondoen berri eman nahi dizuegu.

2008. urtearen bigarren zatian eskuratutako ondarearen artean aipatzekoak dira:

-XVIII eta XIX mendeetako grabatu album batzuk (Travels through Spain in the years 1775 and 1776, Les Pyrénées d'aprés nature).

-Philippe Oyhambururen Oldarra eta Etorki ballet taldeen eta Marc Legasseren kartel interesgarriak.

-Ángel Ortiz Alfauren literatura artxiboaren hainbat dokumentu; hauen artean aipatzekoak dira, Baroja eta Blas de Oteroren gutun sortak, Gabriel Arestiren argazkiak eta honek Gabriel Celayari egindako elkarrizketa-inkesta.

-XIX mende amaierako zezenketa eta Donostiako inauterietako kartelak.

Hauetako batzuk dagoeneko katalogatuta daude; besteak, prozesuan. Beraz, laster egongo da guztia gure katalogoan kontsultagarri.