Bi astez inbentarioa egiteko itxita egon ondoren, astelehenean, abuztuak 18, berriz irekiko dugu KOLDO MITXELENA Kulturuneko Liburutegia. Gainera, berritze lanak egiteko itxita egon den Fonoteka ere irekiko dugu.

Abuztuaren 4ean, Liburutegia itxi genuen urteroko inbentarioari ekiteko. Bi astetan buru-belarri aritu ondoren, abuztuaren 18an irekiko dugu, ohiko zerbitzuak eskaintzeko: mailegua, infoteka, hemeroteka...

Fonoteka zerbitzuari ere ekingo diogu berriz. Areto honen berritze lanak ez dira guztiz bukatu -irailean iritsiko zaizkigu CD eta DVDak jartzeko azken apalategiak eta iraileko egunen batean Fonoteka itxi beharko dugu gauza guztiak behar bezala kokatu eta lanak amaitutzat emateko-, baina astelehenetik aurrera ohiko zerbitzua izango duzue eskura.

Zuen zain egongo gara KOLDO MITXELENA Kulturuneko Liburutegian, ohiko ordutegian:

-Astelehenetik ostiralera: 8:30etik 20:30ra
-Larunbatetan: 8:30etik 14:00ra