Urtero bezala, abuztua heltzearekin batera, Liburutegian inbentarioa egiteko garaia iritsi zaigu, etxea txukuntzeko garaia. Astelehenean, abuztuak 4, ekingo diogu lan horri eta Liburutegia bi astez itxiko dugu.

Abuztuaren 18an bueltatuko gara, etxeko lanak behar bezala egin ondoren: gauza bakoitza bere lekuan jarrita, tejueloetan egindako akatsak zuzenduta eta, ordu asko irekitzeagatik, urtean zehar egin ahal izan ez dugun mantentze-lan sakona eginda.

Liburutegia ixteagatik barkamena eskatzen dizuegu, baina aipatu lanak behar bezala egin eta zerbitzurik onena eskaintzeko beharrezkoa da. Bueltatzean, abuztuaren 18an, itxi genuenean baino hobeto aurki dezazuen espero dugu.

Bestalde, Liburutegia itxita egon arren, KOLDO MITXELENA Kulturunean ditugun bi erakusketak bisitatzeko aukera duzuela gogoratzen dizuegu: Labirintoaren erbestean. Literatur jolasa Ganbaran, eta Try Again Erakustaretoan.