Bitxia da 1772 urteko Gipuzkoako eskekoen erreglamendu bat 1841ean indarrean egotea; baina berrinprimatze honek hala erakusten du.

Zorionez gaurko berrinprimatze digitalak ez du zerikusirik ordenantza egun indarrean egotearekin. Bitxikeria historiko bat da, jainkoari eskerrak, gauzak aldatzen direlako erakusle:

Orain ez dugu gure kaparetasuna frogatu behar:
Herri guztietan, kapareen zerrenda bat dagoen bezala, behin behineko bizilagunen beste zerrenda bat egongo da; zerrenda hau oso zehatza izango da: udal eskribauen bete beharra izango da urtero juntari bi zerrendak existitzen direla ziurtatzea eta helaraztea.

Orain ez dugu odol garbia dugula frogatu behar:
Herri bakoitzera biztanle berri bat iristen denean justiziaren betebeharra izango da aukeratzen duen klasea argitzea; kaparetasuna frogatu nahi badu, lehenbailehen egin dezan, eta bestela, berehala odol garbia duela froga dezan.

Eta ez da argi eta garbi jazartzen:
Komisarioek herri bakoitzera doazenak gertutik zaindu beharko ditu, odolaren garbitasuna eta ohiturak ikertuz; isilean ikertu beharko ditu. Hori egin gabe bertan bizitzen uzten duten pertsona bakoitzeko isuna ordaindu beharko dute.

Poetak esan zuen bezala, times are changing.

Edo ez.