Musika Hamabostaldia heldu aurretik, aurtengo ekitaldian eskainiko diren obretako batzuk entzuteko aukera izango dugu KOLDO MITXELENA Kulturuneko Fonotekan.

Izan ere, musikazaleek oso gustuko dute Hamabostaldiko obrak aurrez ezagutu eta entzutea, kontzertuak egin baino lehenagoko egunetan asko ematen baitira mailegutan.

Beraz, aste honetako egitarauan, ondorengo artisten lanak entzun ahal izango ditugu:

Astelehenean, Schumann eta Tchaikovski, asteartean August Bournonville-ren La Sylphide, eta asteazkenean Claudio Monteverdiren Banquet of the Seses.

Ostegunean Jacques Offenbach-en Cuentos de Hoffmann eskainiko dugu, eta azkenik, ostiralean, Giuseppe Verdiren Otello.
Zuen gustukoa izango delakoan gaude. Zain izango gaituzue 17:30etan, ohi bezala.