Azaroaren 24 eta 25ean, Soinumapa.net EHUko Arte Ederretako Fakultatera (Leioa, Bizkaia) eramango dute soinu paisaiaren inguruan lan egiteko. Escoitar.org ere han izango dugu; hala, penintsulako iparraldeko bi soinu-mapa esanguratsuenek topo egingo dute.

Gonbidatuak:

• Soinumapa.netetik: Xabier Erkizia, Iñigo Telletxea eta Xavier Balderas
• Escoitar.netetik: Chiu Longina, Berio Molina eta Horacio González

Soinumapa Artelekuko Audiolab sailak 2004an sortutako egitasmo irekia da (Xabier Erkiziak eta Oier Iruretagoienak zuzenduta). Fonografia edo gure inguruko hotsak grabatzeko artea oinarritzat hartuz, webguneak landa-grabaketak erakutsi, kontsultatu eta elkartrukatzeko balio du.