Azaroaren 30etik abenduaren 2ra, 19:30ean, Antiqua Antzinaroari buruzko XVI. jardunaldiak izango ditugu KOLDO MITXELENA Kulturunean. Aurten, Antzinako Greziara bidaiatuko gara: Atenas eta Esparta ezagutuko ditugu eta Platoni esker Utopian barneratuko gara.

"Gure konstituzioak ez ditu ondoko estatuen legeak kopiatzen. Alderantziz, gu gara erreferentzia besteentzako, ez haien imitatzaileak. Haren kudeaketak aniztasunaren alde egiten du, gutxi batzuei lehentasuna emateko partez. Horregatik deitzen diogu demokrazia (...) Munduari irekitako hiria da gurea. Atzerritzarrei berriz ez diegu oztoporik jartzen, gureari so eginez gugandik ikas dezaten".

Tuzidides, Peloponesoko gerra

1994tik, KOLDO MITXELENA Kulturuneak urtero ospatzen ditu jardunaldi hauek. Bertara, Antzinateko hainbat gaitako hainbat aditu gerturatzen dira. Aurten, Ana Iriarte, César Fornis doktorea eta Francisco L. Lisi izango ditugu gure artean.

Programazioa:

• Azaroak 30, astelehena
  Atenas: el arte de lo político
  Hizlaria: Ana Iriarte, Euskal Herriko Unibertsitateko Antzinaroko Historia irakasle titularra.
• Abenduak 1, asteartea
  Esparta, ciudad de la virtud y de la guerra
  Hizlaria: César Fornis doktorea; Sevillako Unibertsitateko Antzinaroko Historia irakasle titularra.
• Abenduak 2, asteazkena
  Platón y la Utopía
  Hizlaria: Francisco L. Lisi, Filologia Grekoko katedraduna Madrilgo Carlos III Unibertsitatean, eta Lucio Anneo Séneca Ikasketa Klasikoen Institutuko zuzendaria.

Informazio gehiago (PDF, 230 KB)

Hitzaldi guztiak zuzenean eskainiko dira KMK Zuzeneanen bidez eta, aurrerago, Antiquaren webgunera ere igoko da hitzaldien edukia.