Arte izaerako ikasketak nahiz proiektuak egiteko eta historia ikertzeko Kultura eta Euskara Departamentuak urtero ematen dituen beka eta laguntzen programaren barruan, zabalik da 2009ekoei dagokien deialdia.

Ikasketa espezializatuetarako bekak, Nicanor Zabaleta beka, sorkuntzarako bekak, historia ikertzeko bekak... Hori guztia eskaintzen du urtero Kultura Zuzendaritza Nagusiak beken egitarauan. Eskaerak egiteko epea ekainaren 1ean bukatzen da, historia ikertzeko beken kasuan izan ezik; hauek eskatzeko epea uztailaren 15ean bukatzen da.

Nahi baduzu, ondoko zerrendan ikus ditzakezu beken baldintzak:

• Nicanor Zabaleta musika beka harizko tresnen instrumentistentzat (Word. 134 KB)
• Musika, dantza, antzerkia, zaharberrikuntza, kultur kudeaketa, ikus-arteak eta erakusketen komisariaketaren arloetan espezializazio ikasketak egiteko bekak eta luzapenak (Word. 121 KB)
• Ikus-arte eta literatura arloetako arte sorkuntzarako bekak eta ikus-arteen alorrean artelanen sustapenerako laguntzak (Word. 136 KB)
• Ikerketa historikoak egiteko Gipuzkoako Artxibo Orokorraren bekak (Word. 114 KB)

Maiatzaren 13 ko Gipuzkoako Aldizkari Ofizialean ere oinarri arautzaileak kontsultatu ditzakezu. Eta gogoratu historia ikertzeko bekak eskatzeko epea uztailaren 15ean bukatzen dela eta gainontzekoak eskatzekoa ekainaren 1ean.