Astelehenean, hilak 27, Mendiko ekosistemak eta pastoralismoa jardunaldiak hasiko dira KOLDO MITXELENA Kulturunean. 19:30ean Areto Nagusian Pablo Dominguez adituak L'agdal du Yagour, Ekologia eta pastoralismoa hitzaldia eskainiko du.

Azken aldian, Maroko aldeko oihan eta artzaintza guneak urritzen ari dira biodibertsitateari dagokionez. Arrazoien artean, aipatzen da bertako biztanleek ekosistemak gehiegi ustiatzen dituztela. Asteleheneko hitzaldiak erakutsiko du zein oker dagoen uste hori. Horren lekuko, bereberren Agdal delakoa: Marokoko Atlas Garaian aritzen den kudeaketa tradizionaleko erakundea, hain zuzen ekosistemaren biodibertsitateari mesede egiten diona.

19:30ean Areto Nagusira etortzerik ez baduzue ere hitzaldia entzuteko aukera izango duzue, KMK Zuzeneani esker.