HOTS! irratiaren saio berri bat entzungai dugu jadanik sarean. Interneteko irratiari eskainitako programa da oraingoa eta Patxi Gaztelumendiren laguntza eduki dute.

Hauxe dio Oier Iruretagoienak saio berriaren aurkezpen testuan:

"Irratsaio hau HOTS!en darabilgun bitartekoari berari -interneteko irratiari- buruzko zerbait egiteko gogotik sortzen da. Eta inguru hurbilera begira, Irratia.com aurkitu dugu, duela 8 urte euskaraz sarean emititzen aitzindari izan zen Patxi Gaztelumendi eta Jabi Zabalaren egitasmoa. Larrabetzun jaio zen Patxi, Bilbotik 20 kilometrora dagoen 1.500 biztanle inguruko herria, bertan bizi da egun ere, eta asteazkenero hartzen du Bilborako autobusa irrati saioa emititzera joateko. Ibilbide honetan laguntzea erabaki dugu, lokalari (herria, Larrabetzu) eta globalari (hiria, Bilbo) buruz hitz egiteko bide eman digun bidai ia sinboliko batean".