Iritsi da eguna. Bihar, otsailak 5, 19:30ean Xabier Leteren Egunsentiaren esku izoztuak liburuko poemak entzungo ditugu KOLDO MITXELENA Kulturunean. Xabier Letek, Joxan Goikoetxeak eta Pamiela argitaletxeko J.A. Irigarayk parte hartuko dute poesia irakurketan.

Egunsentiaren esku izoztuak liburuan azken urteetako bizi-esperientziak gogoetatu ditu Letek, iragan ederrarekiko miresmena, maitasunaren gauzaguneak, xamurtasuna, oinazea, heriotza eta berraurkikuntzaren ametsa elkarri lotuz. Inoizko poesia bildumarik borobilena dela esan daiteke. KOLDO MITXELENA Kulturuneko irakurketa saioan, gainera, Joxan Goikoetxeak musika jarriko die Leteren olerkiei.

Ostegunean, hilak 5, ikusiko dugu elkar, 19:30ean Areto Nagusian. Etortzerik ez baduzue, ez galdu KMK Zuzeneanen bidez ikusteko aukera. Emanaldi berezia izango da, zinez.


*Argazkian Xabier Lete eta J.A. Irigaray KOLDO MITXELENA Kulturunean, liburuaren aurkezpenean (Egilea: Isabel Azkarate).