Sarean entzungai dago jadanik HOTS! irratiaren saio berria. Oraingo honetan Xabier Erkiziak Paraguaiko hiriburuan bildutako grabaketekin osatutako erretratu soinuduna aurkeztu du.

Horrela azaltzen du xabier Erkiziak:

"2007ko abenduan, eguberrietako bezperan iritsi ginen Paraguayko hiriburura, Asunción-era. Hiriburuari buruz jasotako informazio edo gomendio urriek Asunción-ek bizkargainean duen hiri itsusiaren sona kontatu ziguten, eta "fama" hori eztabaidatzea erraza ez bada ere, hiri honek (leku gehienek bezala) bere xarma badu. Gure kasuan entzuteko gogo handiz gurekin lan egin zuten haurrek, Marcos Benítez artistak, Guillermo Sequeraren lan etnomusikologiko bikainak eta gidari lanak egin zizkigun Javier Palma musikari elektronikoak erakutsi ziguten xarma hori (irakurri bidaiaren kronika [un]common sounds blogean). Horren guztiaren emaitza dira Asunción ikuspegi subjektibo batetik erretratatzen duten grabaketaok".