Duela bi hilabete inguru, Xabier Leteren Egunsentiaren esku izoztuak liburua aurkeztu genuenean esan genizuen inoizko poesia bildumarik bereziena zela. Bada, orain, poema horiek entzuteko aukera izango dugu KOLDO MITXELENA Kulturunean.

Hitzordua datorren ostegunean izango da, otsailak 5, 19:30ean.

Bertan izango dira Xabier Lete bera, Joxean Goikoetxea eta Pamiela argitaletxeko J.A. Irigaray. Hain zuzen, Joxean Goikoetxeak musika jarriko dio poema irakurketari.

Esan bezala, Egunsentiaren esku izoztuak Xabier Leteren inoizko poesia bildumarik bereziena da. Bertan, azken urteetako bizi-esperientziak gogoetatu ditu, iragan ederrarekiko miresmena, maitasunaren gauzaguneak, xamurtasuna, oinazea, heriotza eta berraurkikuntzaren ametsa elkarri lotuz.

KOLDO MITXELENA Kulturunean musikaz lagunduta entzungo ditugu laster.