HOTS! irratiaren programa berriak Jabier Elorriaga eskulturagileari eginiko elkarrizketa jasotzen du. Saio hau Soinua arte, soinuaz artea irratsaio sortaren lehen alea da. Arte munduko zenbait pertsonarekin soinua eta soinudun artearen inguruan izaniko solasaldiak oinarri dituzten saioak dira Soinua arte, soinuaz artea osatzen dutenak.

Jabier Elorriagaren iritziekin osatutako programari ondoko sarrera egin diote HOTS! irratiko arduradunek:

"Soinu artearen inguruan galdetuta, arteak beti gauza berei erantzuten diela diosku eskulturagileak; izan soinua edo beste edozein euskarritako artelana. Eta hori abiapuntutzat hartuta, garai guztietako artista guztientzat komunak diren horiei buruz mintzatu zaigu".