Arteleku TV atalean ikusgai dagoen erreportaje berriak Kontrajokoak mintegia du ardatz. Juan Antonio Álvarez Reyes-ek koordinatutako proiektu honek bideojokoen azken urteotako goraldia aztertu zuen ikuspegi kritiko batetik.

Arteleku TVk eginiko erreportajeak mintegian esku hartu zuten gonbidatuei eginiko elkarrizketak jaso ditu. Bertan daude ikusgai Molleindustria kolektiboko partaide batekin, Iñaki Gracenearekin eta Tobias Bernstrupekin izandako solasaldiak eta Yan Duyvendakek Artelekun eskainitako performancea. Horretaz gain, mintegiko parte-hartzaileek egindako bideojokoen bi zati eta argazki album bat daude ikusgai.