Asteazkenean, hilak 25, 19:30ean, Esteban Antxustegik El debate nacionalista. Sabino Arana y sus herederos liburu berria aurkeztuko du KOLDO MITXELENA Kulturuneko Areto Nagusian.

Liburuaren egileaz gain, Joseba Agirreazkuenagak Iñaki Anasagastik eta Kepa Aulestiak parte hartuko dute Editum Res publicak argitaratu duen liburu honen aurkezpenean, eta Garbiñe Biurrun izango da moderatzailea.

Esteban Antxustegi Igartua (Donostia, 1957) EHUko Filosofia Moral eta Politikoaren arloko irakasle titularra da. Euskal abertzaletasunaren sorkuntzan aditua izanik -hain zuzen ere, sortzaileari buruz egin zuen dotoretza-tesia-, garai hari eta orduan protagonista izandakoei buruzko hainbat liburu idatzi ditu (Luis de Eleizalde, un vasco polifacético (1998), Luis de Eleizalde: Países y razas. Las aspiraciones nacionalistas en diversos pueblos (1999)...). Horretaz gain, Demokrazia eta Filosofia Politikoari buruzko hainbat libururen egile da, eta Filosofia Politikoari buruzo hainbat aldizkaritan idatzi ohi du (Leviatán, Daimon, Isegoría ...). Komunikabide anitzetan hartu ohi du parte eta hainbat argitalpenen erredakzio-kontseiluetako kide da. Gaur egun, EHUko Limes pentsakera-bildumaren zuzendaria da.

19:30ean Areto Nagusira etortzerik ez dutenek ere izango dute liburuaren aurkezpena zuzenean ikusteko aukera, KMK Zuzeneani esker.