Kultura proiektu eta jarduerak bultzatzeko Kultura Zuzendaritza Nagusiak urtero ematen dituen diru-laguntzen programaren barruan, zabalik da 2008ko laguntzei dagokien deialdia.

Kulturaren eta artearen alor desberdinetako ekintza puntualak edota urteko jarduerak; jaialdi, jardunaldi eta lehiaketak; musika, antzerki eta dantza emanaldiak; ikuskizun eszenikoen sustapen eta salmenta eta ikuskizunak ekoizteko azpiegiturak uztea... Horiek dira, besteak beste, eska daitezkeen laguntzak. Auten, gainera, laguntza berri bat dago, Gipuzkoako udalek euskal kantagintzako emanaldiak antolatzeko.

Laguntza bakoitzari buruz gehiago jakiteko ondoko estekak kontsulta ditzakezu:
(Word dokumentuak dira)

Kultur programak, jarduerak eta proiektuak egiteko diru-laguntzak (Apirilaren 20a arte).
Arte eszenikoen, musikaren eta ikus-arteen arloetan jaialdiak, zikloak, lehiaketak eta sariketak antolatzeko diru-laguntzak (Apirilaren 20a arte).
Gipuzkoko udalek euskal kantagintzako emanaldiak antolatzeko diru-laguntzak (Ekainaren 1etik irailaren 1era).
Gipuzkoako udalek arte eszenikoen eta musikaren alorretako emanaldien urteko programazioa egiteko diru laguntzak (Ekainaren 1etik irailaren 1era).
Eszenako ikuskizunen sustapenerako eta salmentarako, eta eszenako ikuskizunen produkziorako espazioak uzteko zerbitzuei zuzendutako diru-laguntzak (Apirilaren 20a arte).

Martxoaren 26ko GAOean, oinarri arautzaileak kontsulta ditzakezu.

Eskaerak egiteko epea apirilaren 20an bukatzen da, euskal kantagintzako emanaldiak antolatzeko eta arte eszenikoen eta musikaren alorretako emanaldien urteko programazioa antolatzeko laguntzei dagozkienak izan ezik; azken hauek eskatzeko epea ekainaren 1ean hasi eta irailaren 15ean bukatuko da.