Itzulpengintza behin eta berriz agertuko zaigu aurten Artelekun garatuko den programazioan. Ariketa moduan azalduko da, hitzaldietan, tailerretan, aurkezpenetan, mahai-inguruetan, zikloetan. Etenik gabe errepikatuko da, beraz. Horrela guztiok kode kulturalak ezagut ditzagun esanahiak nola trukatzen diren aztertu eta kode kultural horiek ezartzen dituzten harreman bideak ezagutuko ditugu.

Jendarte jakin batean dauden kode soziokulturalen arteko itzulpen lana izango da hausnarketaren eta praktika artistikoaren abiapuntua. Jendarte ezberdinetan topatzen ditugun kode soziokulturalak harremanetan jartzeko aukera ere eskaintzen digu itzulpengintzak, teknikaren eta sorkuntza esperientziaren bitartez.

Itzulpengintza oharkabean norberak egunero egiten duen ekintza bat da. Inguratzen gaituzten kodeak ulertzeko, horietaz baliatzeko eta horiek eraldatzeko ekintza. Horrela, aurtengo programak itzulpengintzaren esperientzietan jarriko du arreta, mekanikotasunetik haratago.

Apiriletik ekainera bitarteko ekitaldien agenda ikusi