Urteroko ohiturari jarraituz, Iparraldea Bertan! zikloa izango dugu laster KOLDO MITXELENA Kulturunean. Apirilaren 3tik 24ra ostegunero izango dugu ekitaldi bat: kantaldiak, antzerkia eta Filipe Oihanburu ohorezko gonbidatuarekin mintzaldia.

Dagoeneko zazpi urte dauzka Iparraldea Bertan! zikloak. Urtero, Euskal Kultur Erakundeak proposaturik, KOLDO MITXELENA Kulturuneak ekitaldi berriak eskaintzen ditu, Lapurdi, Nafarroa Beherea eta Zuberoa hobeki ezagutzeko.

Laster emango dizuegu egitarau zehatzaren berri. Momentuz, aurreko urteetan bezala zinez erakargarria izango dela aurreratzen dizuegu.