> Museoak eta ondarea > Argitalpenak > "Gipuzkoako Ontziolak" liburuaren aurkezpena Untzi Museoan

Gipuzkoa Kultura (Beta)

"Gipuzkoako Ontziolak" liburuaren aurkezpena Untzi Museoan

Untzi Museoan egin den ekitaldian, Gipuzkoako ontziolak. Azken itsas arotzen historia, teknika eta bizimodua liburua aurkeztu dute gaur Maria Jose Telleriak, Foru Aldundiko Kultura zuzendari nagusia, Juan Aguirre Sorondok, editorea eta liburuaren egilearen anaia, Jose Ignacio Espelek, Gipuzkoako Ozeanografia Fundazioko presidentea, eta Raul Perez Iratxetak, Untzi Museoko zuzendari nagusia.

Antxon Aguirre Sorondok 1988 eta 1993 artean ontzigintza tradizionalari buruz eta Gipuzkoan egurrezko itsasontziak eraiki zituzten azkenei buruz egindako ikerlana biltzen du liburuak.  Bere lana egiteko, autoreak erriberako azken arotzen testigantzak jaso zituen, beren ofizioaren xehetasunei buruz.

Antxon Aguirre Sorondo 2014an zendu zen, eta Aldundiak erabaki zuen hain lan bikain eta baliotsua argitaratu egin behar zela. Editatu aurretik, obra osoa berrikusi egin behar zen, eta, horretarako, bere anaia Juan Aguirre Sorondorekin jarri zen harremanetan Aldundia. Berrikuspen lan hori egiteko, Juanek laguntza eskatu zien aurreko mendeko 80ko hamarraldian elkarrizketatu zituzten erriberako arotzetako biri, gaur liburuaren aurkezpenean egon diren biei alegia. Luis Loinaz eta Manuel Sorondo dira, Urumea Ontziolakoak. Ontziola hori Donostian jardunean mantendu zen azkeneko ontziola tradizionala da, Martutene auzoan hain zuzen, zubiaren ondoan (1984 arte).

Aurkezpenean egon da, baita ere, Luis Goldaracena, Gipuzkoako erriberako arotz familietako baten ondorengoa. Izan ere, Goldaracena ontziola, lehendabizi Lezon, bere aitona Clemente Goldaracenak zuzendu zuen, eta, ondoren (1937tik), Pasai Donibanen, bere aita Luisek, 1970ean itxi arte.

Liburua Kultura Departamentuak argitaratu du, Ondare Historiko-Artistikoaren eta Artxiboen Zerbitzuko Ondare Bildumaren barruan.

Antxon Aguirre Sorondo. Donostia (1946-2014)

Historialaria, antropologoa eta etnografo eta dibulgatzailea, hogeitik gora liburu idatzi zituen, eta hainbat obra kolektibotan ere parte hartu zuen. Hamaika artikulu idatzi ditu, aldizkari espezializatuetan, batez ere Euskal Herriko historiari, kulturari eta tradizioei buruz.  Ikerketa esparru asko garatu zituen: errotak, ofizio tradizionalak, eta abar. Arantzadi Zientzia Elkarteko, Eusko Ikaskuntzako eta Euskalerriaren Adiskideen Elkarteko kide, eta Eusko Ikaskuntzako Zainak Koadernoetako, Nafarroako Etnologia eta Etnografia Koadernoetako edo Eusko Ikaskuntzako Nazioarteko Aldizkariko laguntzaile. Diario Vasco edo Euskal Telebista bezalako komunikabideetan ere izan zen laguntzaile, dibulgatzaile zientifiko gisa.

Antxon Aguirre Sorondok harreman estua izan zuen, baita ere, Untzi Museoarekin. Izan ere, ikergai izan zituen itsas historia eta kultura ere.  Bi artikulu argitaratu zituen Itsas Memoria: Revista de Estudios Marítimos del País Vasco aldizkarian.

Las embarcaciones fluviales en Gipuzkoa, Itsas Memoria. Revista de Estudios Marítimos del País Vasco, 4, 2003, pp. 639-649.

Atalayas balleneras en la costa de Gipuzkoa. Una aproximación, Itsas Memoria. Revista de Estudios Marítimos del País Vasco, 7, 2012, pp. 389-409.

AddThis Social Bookmark Button

Iruzkin bat idatzi

Atal hontan "BBcode" delako standarra erabil dezakezu zeure iruzkinak ezartzeko.
Kode hauek, foroetan iruzkinaindartuagoak sartzeko erabili ohi diren standarra dira. Era honetan, erabiltzeak, kode sinple eta azkar batzuen bidez irudiak, negritak, kursibak eta beste hainbat formatu sar ditzake iruzkinean.
Sistema hau sakonago ezagutzeko eta teknikaren adibideak eta kode erabilgarri guztiak ikusteko, ondorengo link-a (wikipedia) jarrai dezakezu.


Seguratsun kodea
Berrita


 
Inprimatu E-posta PDF fitxategia

Musika

Zumarragako 35. Antioko Musikaldian sei ikuskizun oso desberdin

Iraileko larunbatetan Antioko baselizan Antioko Musikaldiaren 35. Edizioa ospatuko da Zumarragako Udalak eta Gipuzkoako Foru Aldundiko Kulturako Departamentuak...

Zumarragako 35. Antioko Musikaldian sei ikuskizun oso desberdin ikusi ahal izango diraGehiago ikusi

Zinema

EQZEk bere ikerkuntza ekoizpena sustatu du

Irailean abiatuko da Elías Querejeta Zine Eskolako lehen ikasturtea, eta baita eskolako programa akademikoa osatzen duten hiru ibilbideena...

EQZEk bere ikerkuntza ekoizpena sustatu duGehiago ikusi
Cerrar

Erabalitzaileen nabigazioaren analisia egiteko gure cookie-ak eta bitartekoenak erabiltzen ditugu. Nabigatzen jarraitzen baduzu, hauen erabilpena onartzen duzula hausnartzen dugu.
Hemen konfigurazioa aldatu edo informazio gehiago lortu dezakezu.