> Museoak eta ondarea > Lorpenak > Kultura departamentuko erosketak

Gipuzkoa Kultura (Beta)

Kultura departamentuko erosketak

Kultura Departamentuak Darío de Regoyosen koadro bat

eta XVII. mendeko tapiz bat eskuratu ditu

Kultura Departamentuak Darío de Regoyosen koadro bat eta XVII. mendeko tapiz bat eskuratu ditu. Darío de Regoyosen obra 1901eko Lluvia de Otoño (Udazkeneko euria) olioa da, eta Irungo eremu bat irudikatzen du, Jaizkibel mendia atzean duela. «Obra utilista bat da, Gipuzkoako ondarearentzat oso garrantzitsua, Regoyosek Gipuzkoan egin zuen egonaldian sortutako obra bat baita», azaldu du Gordailuko zuzendari Carlos Olaetxeak. Orain Gordailuan dago Regoysen obra.

Paisaia honetan, lur landuak, artasoroak, ageri dira lehen planoan, Irungo eraikinen profila bigarren planoan, eta Jaizkibel mendia atzealdean. Koadro hori Regoyosen obra piktorikoaren katalogo arrazoituan jasota dago 334 zenbakiarekin, eta hainbat erakusketatan jarri izan da ikusgai Parisen, Caixa Pentsio Fundazioaren, Kutxa Fundazioaren eta Santillana Fundazioaren erakusketetan.


Tapiza oso ondo kontserbatutako pieza bat da. Done Jakueren ordenako zaldun baten zutoihala da, XVII. mendearen amaiera ingurukoa, eta Gipuzkoako edo Arabako zaldun batena izango zen. Parisko enkante batean eskuratu da.

Gordailuko zuzendari Carlos Olaetxeak azaldu duenez, Gordailuko teknikariek piza horretan agertzen diren armarriak aztertu zituzten eta egiaztatu zuten Gipuzkoako edo Arabako familia batena izango zela, eta, horregatik, interes historiko handikoa zela. Horiek horrela, enkantean eskaintza egitea erabaki zen eta Gordailurako erostea lortu zen.

Duela gutxi iritsi da Irungo kontserbazio zentrora, eta egiaztatu da baldintza oso onetan eta ondo kontserbatuta dagoela. «Oraindik ikerketa historiko sakonago bat egin beharra dago tapiza zehazki zein zaldunena izan zen jakiteko, garai hartan Done Jakueren ordenak 400 zaldun baitzituen», adierazi du Olaetxeak.

Orain, Gordailuan, anoxia prozesuan dago baldintzarik onenetan kontserbatu ahal izateko.

Izenburu hau du: Heraldika: euskal nobleziaren armarria. Arrano koroatu baten gainean, Done Jakueren ordenako gurutzea ageri da, eta haren gainean beste bostek osatzen duten armarri bat, zerrenda diagonal urdin eta argi tartekatuz osatutako armarri obal batek koroatua. Goiko ezkerreko laurdenean ikusgai daude Lazcano familia (pertzak eta hostoak; ilargi erdia eta izarrak, dragoi ahozko banda diagonal batek bereiziak) eta Oñati familia (arranoa orein baten gainean, galsoro batean). Beheko laurdenean, ezkerrean, otso bat dago zuhaitz baten parean, zazpi izarreko zerrenda urdin batean; eskuinekoa, berriz, hosto eta barra tartekatuek laurdenkatzen dute –erbinudeak ageri dira erdietan–; laurden horien erdian, berriz, Nafarroako armarria ageri da. Hori guztia lore motibo aberatsek biltzen dute. Tonu urdinak nahiko ongi kontserbatu dira, baina gorriak zertxobait margulduta daude.

Donostia, 2018ko martxoaren 18a

AddThis Social Bookmark Button

Iruzkin bat idatzi

Atal hontan "BBcode" delako standarra erabil dezakezu zeure iruzkinak ezartzeko.
Kode hauek, foroetan iruzkinaindartuagoak sartzeko erabili ohi diren standarra dira. Era honetan, erabiltzeak, kode sinple eta azkar batzuen bidez irudiak, negritak, kursibak eta beste hainbat formatu sar ditzake iruzkinean.
Sistema hau sakonago ezagutzeko eta teknikaren adibideak eta kode erabilgarri guztiak ikusteko, ondorengo link-a (wikipedia) jarrai dezakezu.


Seguratsun kodea
Berrita


 
Inprimatu E-posta PDF fitxategia

Musika

Gipuzkoako organoak plazara

  Martxoan Gipuzkoako Organoak Plazara ekimenaren edizio berria egingo da organo ondarea ezagutzera emateko Maria José Telleria: “Gipuzkoako Organoak...

Gipuzkoako organoak plazaraGehiago ikusi

Eskultura

Ricardo Ugarte: erakusketa Untzi Museoan

UNTZI MUSEOAK RICARDO UGARTE DE ZUBIARRAIN ARTISTAREN OBRAN ITSASOAREN GARRANTZIA NABARMENDU NAHI DU Erakusketan itsasoari lotutako eskulturak eta obra...

Ricardo Ugarte: erakusketa Untzi MuseoanGehiago ikusi
Cerrar

Erabalitzaileen nabigazioaren analisia egiteko gure cookie-ak eta bitartekoenak erabiltzen ditugu. Nabigatzen jarraitzen baduzu, hauen erabilpena onartzen duzula hausnartzen dugu.
Hemen konfigurazioa aldatu edo informazio gehiago lortu dezakezu.