Ez, ez gara KOLDO MITXELENA Kulturuneko Erakustaretoko arduradunok (gustatuko litzaiguke, ordea) Erromara etorri garenak. Gure lanetako bat, Esther Ferrer-en …denboraren…arrastoan… al ritmo …del tiempo erakusketa izan da, Madrilgo Círculo de Bellas Artes-en egon ondoren, Erromara joan dena.

Martxoaren 16ean inauguratuko da Erromako Cervantes Institutuaren egoitzan. Eta han geratuko da apirilaren 23ra arte.
Ondoren, erakusketak bidaia egingo du Cervantes Institutuko zentro ezberdinetan barrena: Erromatik Sofiara, Sofiatik Pragara, eta handik Rio de Janeirora…

Oso pozik gaude, gure laguntzari esker beste lurralde batzuetan ere erakusketaz gozatzeko aukera izango dutelako. Oso pozik, Esther Ferrer-en lana gehiago ezagutzeko aukera dagoelako. Bai hemen, bai hemendik kanpo.