Esku artean dugu apirilaren 4a arte KOLDO MITXELENA Kulturuneko Ganbara aretoan ikusgai dagoen Iturralde eta beste bidaiak erakusketaren katalogoa.

Erakusketak bezala, denboraren kontzeptu ezberdinak transmititzen ditu katalogoak.

Pablo Donezarren lanez eta testuaz gain, hainbat artista eta idazleren aipuak eta Jorge Luis Borgesek denboraren igarotzearen inguruan egindako gogoeta aurkituko ditugu, besteak beste, katalogoko orrietan zehar bidaiatzean.

(...)
Hau da, denbora funtsezko arazo bat da. Erran nahi baitut ezin dugula denbora bazter utzi. Gure kontzientzia etengabe ari da egoera batetik bestera igarotzen, eta horixe da denbora: segida. Henri Bergsonek esan zuen, uste dut, denbora zela metafisikaren arazo nagusia. Arazo hori konpondu balute, dena egongo zen konponduta. Zorionez, nire iritziz ez dago arazoa konponduko den inolako arriskurik: hau da, beti antsiatsu, herstura batean jarraituko dugu. Beti izango baitugu San Agustinen antzera jokatzeko aukera: Zer da denbora? Galdetzen ez badidate, ez dakit. Galdetzen badidate, alde batera uzten dut.
(...)

DENBORA, Jorge Luis Borges

Gainera, Aurelia Arkotxak narrazio poetiko bat, Petrarcaren mapamundia, eta mapa bat sortu ditu Donezarren proiekturako espresuki. Ulisesen mito berezi batetik abiatuz, denbora igarotzen ez den paradisua aurkitzeko dugun beharraz hausnartzen du.

Baina denbora igaro egiten da, eta apirilaren 4an bukatuko da KOLDO MITXELENA Kulturuneko Ganbaran erakusketa bisitatzeko aukera. Egun horretatik aurrera, katalogoan iraungo du gogoetak.