Dagoeneko eskura dugu KOLDO MITXELENA Kulturuneko Erakustaretoan otsailaren 9a arte ikusgai dagoen Eraiki, Bete, Hustu. Espazioaren erabilerak erakusketaren katalogoa.

Bertan, Adrian Tyler, Edward Burtynsky eta Joel Meyerowitz argazkilarien lanak aurkituko ditugu. Lan hauek espazioaren zikloa dute ardatz: espazioaren sorrera eta pertzeptzioa, erabilera eta, azkenik, hondamena. Artista bakoitzaren bildumak horietako fase bat irudikatzen du.

Argazkiak osatzeko, artista bakoitzaren sarrera testu bat, biografia eta lanen deskribapena biltzen ditu katalogoak.

Otsailaren 9a arte ikusi dezakegu erakusketa, baina katalogo honi esker data horretatik aurrera ere gozatuko dugu lan hauetaz.