KOLDO MITXELENA Kulturuneko Erakustaretoak eta Kutxak Artista Berrien XLII Lehiaketako katalogoa argitaratu dute.

Azaroaren 10a arte ikusgai dagoen erakusketan aurkitu ditzakegun lanak eta egileen datuak biltzen ditu katalogo honek. Hau da, lehiaketako epaimahaikideek aukeratu zituzten lau proiektuak eta amaitutako 11 lanak.

Lan hauetaz gain, María Jesús Aranburu Kultura eta Euskara Departamentuko Foru Diputatuak, Carlos Etxepare Kutxako presidenteak eta Itxaso Mendiluze epaimahaikideak erakusketa aurkezteko idatzitako testuak ere biltzen ditu euskaraz eta gaztelaniaz.

Bestalde, gogoratzen dizuegu oraindik ere, azaroaren 10a arte aukera duzuela lan hauek Erakustaretoan bertatik bertara ikusteko (asteartetik larunbatera,10:30etik 14:00etara eta 16:00etatik 20:30era).