1909ko abenduaren 31n ondokoa irakur zitekeen Euskal-esnalearen egundiyan:

Ataungo baserritar batek Aralar-mendiyan bakarrik zebillen bei bat lapurtu zuen. Andik iru illabetera aitortzera apaizarengana joan da, ta onek galdetzen dio:

-Ezer ostu al dezu?

-Jauna, mendiyan zebillen bei bat echeratu det.

-Bere jabiari biurtu bihar diozu bada, bestela barkatzerik ez dago.

-Bañan, Jauna, neri laguntz aundiya egiten dit eta... dirurik ez daukat eta...

-Alperrik da. Ez badiozu jabiari biurtzen barkatzerik ez dago, ta gañera il da gero Josepetako zelayan an ibiliko zera beyarekin mundu guziyen aurrian lapur bat bezela guztiyen lotsagarri.

-Adi beza, ¿eta jabia ere an izango al da?

-Bai, bada.

-Orduan beya anche biurtuko diot.

1909ko abenduaren 31ko Euskal-esnalearen egundiya (PDF, 62,42 KB)

Hau eta iraganeko beste hamaika testu aurkituko dituzue KOLDO MITXELENA Kulturuneko Liburutegiaren Hemeroteka Digitalean.